Lizzioni 2.3 - 'I nomi

Nnâ lizzioni passata parramu dû geniri dî nomi, ora parramu dû nùmmaru.

'U nùmmaru po' essiri singulari quannu cc' è sulu un cristianu, 'n armalu o 'na cosa; po' essiri plurali quannu cci su' assai cristiani, armali o cosi. 

Nomi e nùmmaru

Nomi variabbili
Nnê nomi variabbili 'u nùmmaru si po' capiri dâ disinenza

Nomi masculini:

Si 'u singluari finisci cu...

-a, -u, -i

...'u plurali finisci cu...

-i

Esempî...

pueta / pueti, lupu / lupi, cani / cani

Qualchi 'ccizzioni...

omu / omini; certi nomi cu -u su' fimminini ô plurali, câ disinenza -a: ovu / ova

Si 'u singulari finisci cu...

-ca

...'u plurali finisci cu...

-chi

Esempî...

patriarca / patriarchi

Si 'u singulari finisci cu...

-cu

...'u plurali finisci cu...

-chi

Esempî...

picu / pichi

(nnê palori chiani)

Qualchi 'ccizzioni...

cci nni su' assai, tipu amicu / amici

Si 'u singulari finisci cu...

-cu, -gu

...'u plurali finisci cu... 

-ci, -gi

Esempî...

manìacu / manìaci, pissicòlugu / pissicòlugi

(nnê palori sdrùcciuli)

Qualchi 'ccizzioni...

cci nni su' assai, tipu càrricu / càrrichi

Si 'u singulari finisci cu...

-ìu, -iu

...'u plurali finisci cu...

-ìi, -î

Esempî...

vattìu / vattìi (câ i tonica), esempiu / esempî (câ i àtuna)

Nomi fimminini:

Si 'u singulari finisci cu...

-a

...'u plurali finisci cu...

-i

Esempî...

stanza / stanzi

Si 'u singulari finisci cu...

-i

...'u plurali finisci cu...

-i

Esempî...

arti / arti

Qualchi 'ccizzioni...

manu / manu, figu / figu

Si 'u singulari finisci cu...

-ca

...'u plurali finisci cu...

-chi

Esempî...

arca / archi

Si 'u singulari finisci cu...

-cìa, -ggìa

...'u plurali finisci cu...

-cìi, -ggìi

Esempî...

farmacìa / farmacìi (câ i tonica)

Si 'u singulari finisci cu...

cunzunanti + -cia/-gia

...'u plurali finisci cu...

-cî/-gî

Esempî...

torcia / torcî

Si 'u singulari finisci cu...

vucali + -cia/-gia

...'u plurali finisci cu...

-cî/-gî
Esempî...
acacia / acacî

Nomi 'mmariabbili

'I nomi 'mmariabbili 'un cancianu ô plurali, comu...

-'i nomi monusillabbici: 'u re / 'i re;

-'i nomi ca finiscinu câ i: 'a nivrosi / 'i nivrosi;

-certi nomi ca finiscinu pi' cunzunanti;

-'i nomi ca finiscinu câ vucali accintata: 'u cafè / 'i cafè;

-certi nomi masculini ca finiscinu câ a: 'u puma / 'i puma;

-certi nomi ca su' abbriviazzioni di avutri nomi: 'a bici / 'i bici (biciretta), 'u cinima / 'i cinima (cinimatografu);

-'i cugnomi.

Nomi difittivi

Certi nomi ànnu sulu 'u singulari o 'u plurali. Nomi ca ànnu sulu 'u singulari sunnu...

-certi nomi di sustanzi: 'u sangu, 'u pipi, 'u latti;
-certi nomi cullittivi;
-assai nomi astratti: 'a pacenza, 'a custanza, 'u curaggiu;
-certi nomi di malatìi: 'a varicedda, 'u vaiolu, 'a malaria;
-certi nomi di l' elementi chìmici: l' ussìgginu, 'u zincu;
-'i nomi ca appartènnu a cosi unichi nnâ natura: l' Iquaturi, 'i punti cardinali;
-'i nomi dî misi: jinnaru, fivraru, marzu.

...mentri nomi ca ànnu sulu 'u plurali sunnu...

-nomi di cosi ca su' fatti di dui cosi 'i stissi: 'i càvusi, l' occhiala;
-certi nomi di urìggini latina: 'i ferî, 'i nozzi, l' isequî.

Nomi suprabbunnanti

Certi nomi ànnu dui plurali, unu masculinu e unu fimmininu. 'I du' formi dû plurali ponnu aviri 'u stissu significatu o du' significati diversi.

S.

Quest'opera è distribuita con Licenza Creative Commons Attribuzione - Non commerciale - Non opere derivate 4.0 Internazionale.